Bachpan

Bachpan

har zindagi ka pehla padaw hota hai ye bachpan,

har pal  yaad aata hai ye bachpan

aaj apni beti ke zariye ek baar fir is bachpan ko  jeeti hun

uske nanhi maasoom baton pe kabhi hasti hun to kabhi roti hun

usko dekh aaj phir mann karta hai beeti yaadon ko tatolne kaa

fir un palon ko jeene ka, unko mehsoos karne ka.

Is bachpan ki kuch dhundleee si baatein yaad aati hain

Kabhi maa ka pyaar ko kabhi pita ki daant yaad aakar satati hai.

Har fikr se door kitna shaant hota hai ye bachpan

Zindagi ki har bhag daud se door hota hai ye bachpan

Yun to har pal mann karta un beete palon ko waapis jeene ka

Per aaj kuch apna bachpan zyada hi yaad aa raha hai

Mann hai ki us zindagi mein ek baar fir wapis laut jaaon

Fir apne khilone pe jami hui dhool ko hataoon

Mann karta hai maa se farmaish kar apni pasand ka khana banwaaon

Apne papa sang jaakar apna mann pasand kuch le aaon

Ma papa ki yaadoon ke sang bhai se choto choti baton pe ladna bhi yaad aata hai

Us maar kar ma ke peeche chupna bhi yaad aata hai.

Mann karta hai fir wo geet gungnaaonn ki koi lauta de mere beete hue din wo pyaare pyaare din

Or bachpan mein aaj ek baar fir laut jaaoon.