Welcome Visitor: Login to the siteJoin the site

Betiyaan

Poetry By: Arshiya
Poetry


Tags: Beti, Duniya, Maa, Baap


Ye kavita ke zariye betiyon ko jaan se pehle hi maar dene waale logon ke maan mein betiyon ka moh bharan chahti hun...umeed hai aapko pasand aayegi


Submitted:Aug 8, 2012    Reads: 3,436    Comments: 0    Likes: 0   


BETIYAN

Bache bhagwan ki den hot hain

beti ho ya beta wo sab ka mann moh lete hain..

Aaj khaskar betiyon ka zikr karungi

Kyu janam se pehle hi maar kar diya jaata hai unko

Is kavita ke zariye is baat ka khandan karungi

Nanhi si khilkhilati pariyaan si wo hoti hai

Are doston beti to wo hai jo har pal apne maa baap ke sang hoti hain.

Itni pyaari hoti hain, itni naadan hoti hain,komal sa mann rakhti hai

Apne se pehle sab ka khyaal wo rakhti hain.

Dhal do jis bhi sanche mein pal bhar mein usme dhal jaati hain

Kabhi beti bankar, kabhi bahu bankar to kabhi maa bankar apna farz nibhati hain.

Kyu janam se pehle maarkar hum betiyon kas astitva khatam kar dete hain.

Ek kul ki nahi balki do kulon ki laaj ko pal mein mita dete hain

Aane do unhe is duniya, is jag ko khushiyon se bharne do

Unko pyaar doge jitna,badle mein usse zyada pyaar de jaayengi

Parai hokar fir aapki yaadon mein aankhon ka paani bankar aayengi

Unke duniya mein naa aanse se ye duniya hi khatam ho jaayegi

Kaun janam dega tumhare ladle ko jab janam dene wali hi maar di jaayegi.

Is galat reet ko aaj hi khatam kar do

Betiyion ko pyaar do ke naare se is sansar ko roshan kar do

Itni umeed rakhti hun ye kavita thoda to aapka mann moh legi

Bete ke moh mein betiyon ko maarne ki parampara ko thaamne mein safal hogi.

Is ummed ke saath is kavita ko yahin samapt karti hun

Ek beti ki maa hun, is jag mein baahein khol kar aur bhi betiyon ka aagaman karti hun.





0

| Email this story Email this Poetry | Add to reading list



Reviews

About | News | Contact | Your Account | TheNextBigWriter | Self Publishing | Advertise

© 2013 TheNextBigWriter, LLC. All Rights Reserved. Terms under which this service is provided to you. Privacy Policy.