Save on all your Printing Needs at 4inkjets.com!

Holi Par Ek Bhav

By: KAPIL DHAGAT

Page 1, Is rang birangi duniya mein, kuchh aur chatakh se rang bhar do… Is baar phaag ke avsar par, kuchh aur amit se rang bhar do !

 

Is rang birangi duniya mein, kuchh aur chatakh se rang bhar do;

Kuchh rishte aur gehre kar lo, kuchh bair purane ab taj do;

Kadam ruke the kahin tere to, wakt hai ye aage badh lo;

Katuta ko bhul yahin, ab prem ujaagar tum kar lo;

Is baar phaag ke avsar par, kuchh aur amit se rang bhar do;

Bhinn bhinn rangon ka mishran, Ye jag lagta ek sunder upvan;

Is sunder bagia ke rango se, saraabor ho khushiyan bhar lo;

Is rang birangi duniya mein, kuchh aur chatakh se rang bhar do,

Mano rang na hote is jag mein, kaisa nithur hota jivan;

Ya to Krishna pind hoti ye dharti, ya phir shwet kshir sa hota jal-thal; drishyon mein neerasta hoti, na hota utsav ka anubhav; prakriti ka ye vihangam parichay, phir na hota kabhi ye sambhav; Aaj rangon ke is utsav ko, pal pal jeekar tar ho lo; Is rang birangi duniya mein, kuchh aur chatakh se rang bhar do, Adbhut rahasya hai rangon ka, jo la de jeevan mein parivartan; neeravta ko door hata kar, chhata bikhere anupam sunder; Is rang birangi duniya mein, kuchh aur chatakh se rang bhar do…

Is baar phaag ke avsar par, kuchh aur amit se rang bhar do !

© Copyright 2014KAPIL DHAGAT All rights reserved. KAPIL DHAGAT has granted theNextBigWriter, LLC non-exclusive rights to display this work on Booksie.com.

© 2014 Booksie | All rights reserved.