Urdu Poetry

Reads: 105  | Likes: 0  | Shelves: 0  | Comments: 0

More Details
Status: Finished  |  Genre: Romance  |  House: Booksie Classic
This is collection of 5 of my poems in Urdu- Syed Danish Ali.

Submitted: October 05, 2016

A A A | A A A

Submitted: October 05, 2016

A A A

A A A


This is collection of 5 of my poems in Urdu- Syed Danish Ali.

  1. Khushi

 

is tarhah roug hatai kai har tapish sai azadi miljayay

bailagam dil ki ruh ko sukun miljayay

rukh murjayay us taraf aman jahan sai dikh jayay

bayaban maidan mai khushi ka pehla phul khil jayay

aman manzil nahi woh rasta hai

sehra mai jo baichan ko rah dikhlayay

bikharti hai muskurahat barbadi par bhi apni

shouq-e-dard jab is dil mai bas jayay

muskan behti nahi rukh jati hai in gham kai asaib mai

chahiyay abh woh darya jahan har gham dub jayay

zaya mat kar is dil ko yuh sisak kar

pas nahi woh jam jo taira dil behlayaiy

zarurat nahi bashar ko har khwahish ko pana

chahiyay faqt woh sahil aah jis say na koi takrayay

namudar ho mayusi to dil chota mat kar raghib (my takalus)

khushi us boondh mai dhund jis say darya ubhar ayay

 

 

2.Nazroun mai

 

rah-e-tareek mai apna dar basaya

masum si muskan ka ik diya jalaya

mehsur hokar reh gaya jangal-e-maimar mai

har sakh jala kar koyi tehwar manaya

purnur tha yai sama woh waqt bhi daikha

akhri umeed ki kiran ko gurub hotai daikha

hazir na woh, na us ki chah ka saya hai

wadiya-e- pyar mai dil ko sangsar hotai daikha

yai kaghaz jin par likhta houn hain charoun taraf bikhray huwai

hain yai mairay dil ki tarhah har taraf sai bhatkai huway

in gehrayoun mai, tanhayioun mai kaheen tu hai chupa

taiyri yad hai shajr ki bikhri tainiyoun ki tarhah

unwan houn mai sazish sozi kai is railay mai

anjan hai yai nazr atish bazi kai is mailay mai

akhir qismet dubi sagar ki jafa mai

lambi qaid beeti jalwoun ki saza mai

nazroun hi nazroun mai giradiya gaya houn

mai woh nahi jo bandiya gaya houn

raghib. apnai kirday mai jhank zara ghour sai

kya kuch nahi chupaliyay apnai aap say

 

 

 

3."chandni"

 

This is a poem i wrote when i was in class 10

 

tarapnay ka ehsas bond bond beh kar aya

raat mai akaila sa chand jo nikal aya

sari raat mai ik ,anjana ,akaila

usay dekh kar ajj sara gham ubhar aya

kaha chand ney mujhey:

sitaroun kay jahan mei rehta houn

apnay jaisay par ik bhi na paya

meri mojudgi ka tassawur badalta hai

insan umeed say dekhta,phir roh kar kay pyar lutaya

chandni bhi jaisay barti ghitti hai

insan mai bhi mujhay aisa bandhan"pyar "nazr aya

apnay mehboob say tasbeeh dekar

mujhay bhi bewafaoun mai shumar karaya

pyar jhttay hi meri khamiyan nazr ayain

pyar ki chandni mai jo pehla nazr na aya

isi kashmakash ki adat mai rehkar

mujhay har insan par tars aya

ab sochta houn mai bhi ik baat

meri chandi nai kitnoun ko rulaya

humnay toottay way dekha hai insan ka dil

yun hamein pyar kali raat ki manind nazr aya

phir kyun karta hai insan mohabbat?

mai nai kaha: kisi say raat ko chanay sey rok kar dikhaya?

 

 

 

 

 

 

 

4.Baidari

 

pyar ki roshnian dub gayien isi bahanai mai

kai chahat-e-dil qurban kardi tairai siranai mai

sur ki sazish kanoun mai gungunayay

apnai dil nai faraibi ki adat dilayi

akhir kab taq taktai rahogai yunhein

sar e ab ki khote manzil tum nai dikhayi

unqareeb sukhn rukaiga judayi ki yari mai

yai marz basaiga dil ki isi adhuri mai

ruhdad-e-safar nai yai andaza utara

pyar nai dehekti agg kai pul guzara

har bai rukh dar say faizyab huwi meri jawani

ab samajh mai ayi tumhai hamari kahani

akhir dil gir hi gaya shah-sawari sy

baidari ka ailan aya hukm-e-baizari sy

is baghban-e-paiham mai gum gayay ham bai rasta

sarsarahat nazdeez ayi tou wohi yad ayi guzashta

kai pichlay mausam ik aas ghubar ban kar chayi

baizari o gumrahi jam e ishq sai simat kar ayi

ik bai dhung dard hai jo ruh mai basaya

raghib! ajab shai hai pardesi ki ruswayi

 

 

 

5.Noori diyay

 

Qismat fana hogayi halat e aiyar say

Nazr mai kuch nahi siwayay ujray diyar kai

Rubaru huwa gham haqeqat mujhay dikhanay

Agayi wohi wehshat phirsy mairay samnai

Ab tou hijrat karlun, kis baat ka gunah guzeer houn

Is abas muhallay ka akhri panah guzeer hun

Madhoush houn is jahan mai faqd istehsal hai gawara

Azab e musalsal nai har baar mout ki ghat utara

Khojoun jahan meri aatish ko wahan jaladay

Dil nahi lagta yahan, koi aur jahan dikhladay

Sanp kai ras ki manind ik ik pal bitaya

Duniya kai zehr nai akhir asar dikhaya

Meray rab, fana kardai chahat usi aur ki

Kai thi who bandish o roug kisi aur ki

Aasar khushi kai dikhayain hain nazr mand na parjayay

Dil ki wehshatoun ko khabr na miljayay

Aaghosh mai bharlo isay, muskan chehray par na dikh jayay

Raghib noori diyay ko is raat ki nazr na lag jayay

 


© Copyright 2017 danish. All rights reserved.

Booksie 2017-2018 Short Story Contest

Booksie Popular Content

Other Content by danish

Urdu Poetry

Poem / Romance

My Sufi & Mystic poems

Poem / Poetry

Popular Tags