Gamit ang salita, marami kang magagawa
Pwede kang bumuhay, pwede kang pumatay.
Sa salita, hindi lahat tumutugma,
Sulat ng kamay, salungat sa hangad ng mata
Pinigil mo, ano ang nangyari?
Pinagmasdan sa malayo, ang bato naging hiyas,
Humahalina, tumatawag, nagpaparamdam
Pero ikaw si tanga, pilit na sumusalat sa paa
Binago ka, binago mo sya.
Hinubog gamit ang bakal na gawa sa buto
Ang sakit, ang hirap.
Dumaan ang panahon, ‘kala mo nasanay ka na,
Yun pala bumaon lang sugat sa punto ng kamanhidan
Sino ang pwedeng magsabi na tama na?
Huminto, tumingin, umiling na parang baliw
Sya ba o ako? Sino ang tama, sino mali?
Ang maniwala at umasa?
O ang magtanong at umalis?
Hindi ito puso, hindi ito utak, ako ito.
Sugatan sa punto ng konting kawalan
Inakalang angklahan ang simbahan
Isang manliligtas, isang dyos, isang Katunayan
Pero sino ang makakapagsabi?
Sino ang may karapatan?
Ang hunghang na hari ng mundo?
O ang henyo na taga-hugas ng paa sa kanto?
Ano sya? Ano ka?
Sinabi ko, Ikaw to, naniwala ka
Naniwala ka sa taong walang mata
Hindi sila tama, sadyang marami lang sila
Sadyang talo ka lang sa simula pa
Hindi ikaw ang sasaya sa tagumpay na gusto nila
Mali ka, mali ako, mali sila,
Pero pinilit mong itama, bata ka at tanga
Sino ba nagsabing maniwala ka?
Siya? Ako? Sila?
Bobo! Paki ko ba sa buhay mo!
Sinasabi ko anong gusto ko, para sa ‘kin, hindi sayo
Sadyang naglapat lang landas natin at dinaanan kita
Pasensya, pero kinailangan lang talaga.
Sino ka ba? Sino sila? Saan ba ako?
Tangina, nandito pa rin pala sa sinimulang punto.
Hinga, pasensya, iyak, parusa,
Ano pang kulang? Kiliti ng konsyensya at mahika?
Sumuko, mahulog, sa makitid na balon
Walang daan kundi ang masugatan.
Umiyak, umungol, pero walang tenga
Puro paa at kamay, binabaon ka pa!
O sya, hablutin mo ang walang hiya
Patikimin ng baho at ata
Masindak pagkat ikaw lang din ang nagdura,
Ikaw na parehong mukha sa kalaban mong dakila.
Submitted: July 02, 2017
© Copyright 2022 The Queen. All rights reserved.
Facebook Comments
More Humor Poems
Discover New Books
Boosted Content from Other Authors
Article / Non-Fiction
Book / Literary Fiction
Short Story / Thrillers
Short Story / Mystery and Crime
Boosted Content from Premium Members
Book / Humor
Poem / Romance
Book / Science Fiction
Short Story / Non-Fiction
Other Content by The Queen
Book / Fantasy
Poem / Humor