Khushi

Reads: 68  | Likes: 0  | Shelves: 0  | Comments: 0

More Details
Status: Finished  |  Genre: Other  |  House: Booksie Classic
This story is about always make things good for other it gives you real happiness...

Submitted: July 15, 2017

A A A | A A A

Submitted: July 15, 2017

A A A

A A A


16 october bahut special day tha mere liye because us din ek best friend ke sath uska birthday celebrate karne jo jana tha..subha jaldi uth kar time se pehle ready hokar apni favourite shirt pehen kar,apni Awara ko chamkane me lag gaya AWARA ye meri byke ka naam hai jo kabhi mera sath nhi chodti,or kabhi dhoka bhi nahi deti. Byke clean karne k baad jaise hi main use pick karne k liye nikalne wala tha tabhi khyaal aya k kyon no use call kar k puch lu k wo abhi tak ready hue ya nahi ye check karne k liye maine use phon kiya bas fir kya tha call reacive hua but jaisa maine socha tha waisa kuch bhi nahi hua main phone ko hatho me pakde hue bas uski bate sun raha tha or sayad uske bahano ko ye sunne k bad to sara excitement hi khatm hogya face ki sari khusi ek jhatke me kahin gayab si ho gyi thi Aap soch rahe hoge k aisa kya kaha hoga usne. btata hu maine usse pucha k kya tm ready hue usne kaha haan maine kha k to ham kaha mil rahe hai suddenly usne kaha k ham mil rahe hai pagal ho kya main to Aryan k sath ja rahi hu.. Ab aap soch rahee hoge k ye Aryan kon tha aryan uska boyfriend tha or wo usi k sath ja rahi hai Jab maine use bola k tum to mere sath jane wali thi or ye baat tumne mujhe 1 week pehle boli thi or date bhi tumne hi fix ki thi na Sunday ki bhool gayi kya uska jawab haa yar sach me mujhe yaad nhi tha or kl raat hi maine Aryan ko bol diya sorry ayush mujhe nikalna hai der ho rahi hai aryan wait kar rha hoga bye keh kar usne phon kaat diya Ab mera deemag puri tarah se ghum chuka tha gussa bhi tha or khud se naraaz bhi soch raha tha k kyo uski itni fikr karta hu jab use meri bilkul bhi fikr nahi hai bada aya dosroo ko khusiyaan batne le hogya na khud hi dukhi main khud se hi sawaal karne laga Itni choti si baat aaj mujhe bahut badi lag rhi thi wajah mujhe khud bhi nahi pta thi bas itna pta tha k aaj main use bahut sare surprise dene wala tha but wo sara plan distroy hogya Main jab bhi pareshaan hota tha to main sidhe ghaat( shamshaan ghaat) pe pahuch jata waha mujhe bahut sukoon milta tha, bas aaj fir pareshaan tha to nikal pada ghaat ki taraf. Magar ab bhi mere sawalo ka silsila khatm nhi hua tha jo main khud se hi kar rha tha or in sawalo ki uljhan me kab ghaat pe pahuch gya pta hi na chala Awara ko side pe park kar k main jake apni purani jagah baith gaya jaha aksar main baitha karta tha Waha baitha baitha bas yahi soch raha tha k log kaise wade karne k baad bhul jate hai or unhe is baat se bilkul farq nahi padta ye sochte sochte meri najar un gifts pe padi jo main uske liye le ke aya tha wo packet maine wahi side me rakh diya tha us packet ko uthaya or usme se pehla gift nikala or box kholte hi chehre pe ek halki si muskurahat a gyi Payal thi us box me jo maine uske liye li thi because apne birthday se pehle usne mujhse kha tha k use payal bahut pasand hai. main imagine karne laga k agar ham milte or main use ye gift deta or jab wo ye gifts open karti to kitni khus hoti. Ye sochte sochte hi meri nazar doosre box pe padi or us box ko dekhte hi main wapas se smile karne lga Is box me bangles thi jo use bahut pasand thi to maine uske liye bangles bhi liye the or us time main ye soch raha tha k mujhe uska wrist size nhi pta tha to kaise maine uske wrist ka size pta kiya tha or use pta bhi nahi chala tha k mere mann me kya chal rha tha maine uske wrist ka size college ki library me liya tha or wo bhi jabardasti uske hatho ka kangan utar kar or mujhe kuch samjh nahi a rha tha k size measure kaise karu to maine us kangan se apni note boom pe ek circle drow kr diya tha or bangles shop pe bhi us circle ko cut kar k hi le gya tha ye sab soch soch kar main thoda khus tha or thoda naraz bhi soch raha tha k kal class me usse bilkul bhi baat nhi karunga apne best friend k sath bhala koi aisa karta hai kareeb 2-3 ghanto baad jab mera gussa thoda kam hua to main waha se ghar k liye nikal pada sir me thoda pain hone ki wajah se maine socha k chalo chai ki tapri pe chalta hu or ghaat se sidha mai tapri pe gya or chai pee kar main ghar k liye chal diya or raste ki bheed upar se Sunday ka din log apni family k sath ghumne nikle the..or dusri taraf park ki side me kuch couple araam se bate kar rahe the main ye sab dekh k muskurate hue apni hi dhun me kahin khoya hua tha. tabhi raste me road k corner pe mujhe ek lady dikhi jiske sath ek chota bachha bhi tha jaha sare log Sunday ko enjoy kar rahe the wahi mujhe or us lady k face pe kahin khusiya nahi dikh rahi thi ye dekh k main rukk gya or khud ko rok nhi paya us bachhe k pas jane se or himmat kar k main unke pas gaya or wahaa jake pas k ek chote se pathar pe baith gya or us bache ko dekhne laga kafi der k bad mujhe laga k wo ek ladki hai ye mujhe itni der me pata chala because unke halaat mujhe kuch theek nahi lag rhe the sayad kuch majbooriyan ya fir gareebi ki maar ne unhe zindagi k is mod pe lakar khada kar diya tha magar us choti si bacchi ko to abhi amiri gareebi ka to matlab bhi nahi pata tha ye bachpan bhi kitna ajeeb hota hai kuch na hote hue bhi hame kisi se koi shikayat nahi hoti ham bas apni hi masti me rehte hai ye sochte sochte main us bacchi ki harkato ko dekhne laga us waqt main apna sara gussa bhul chuka tha or us bacchi ko dekh k bas Yahi soch rha tha k kash main bhi is bacchi k jaisa hi hota kisi se koi shikayat na hoti apni hi masti me hota Tabhi mainee dekha k wo bachi apne paire ko jameen pe bar bar patakti or kaabhi kabhi tezi se jump karti main kuch samajh nahi pa rha tha k akhir wo kar kya rahi hai tabhi meri najar uske pairon me pade dhago me bandhe ghunghroo me padi or main samjh gya k ye uske liye kisi payal se kam nhi or uske us khel ko dekhne laga tabhi mujhe yaad aya k are mere pas to payal hai jo sayad main kisi ko khus karne k liye laya tha main jhat se apni Awara k pas gya or uspe se packet le kar wapas a gya or us bacchi k pas gaya us packet me ek candy box bhi tha to maine us box me se kuch candy nikali or us bacchi ko dene k liye uske pas gya or maine use candy dikhai to wo mere pas a gyi but usne mujhse candy nahi li or apni Maa ki taraf dekhne lagi or jab maine bola k beta ye apke liye hi hai fir usne mujhse wo candy le li or jhat se use open kar k usne wo candy kha li or fir se apne khel, ghunghroo ko bajane me jut gayi ye dekh k maine box me se payal nikali or uski maa se pucha k kya main ise ye de sakta hu unke ha kehne pe maine use wo payal pehnayi payal kuch badi thi to muine use waha par pade dhage k kuch tukdo ki help se uske pairon me fit kar di or us bachi ne fir se apna pair jameen pe patakna shuru kar diya but is baar uske face pe khusi nhi thi usne apne pairon ko or tez se patakna shuru kiya but ab bhi wo khus nahi thi jab taak main kuch samjh pata uski maa ne mujhse kaha k ise ye payal nhi pasand ayi kyonki inme wo ghunghroo ki awaaj nhi jo use pasand hai Ab mujhe ye ache se samjh a gya tha k bachpan hi ek aisa padaav hai zindagi ka jaha expensive,costly,branded jaisi chize game khusiyan nahi de sakti hame khusi sirf tab hi milti hai jab hame apni man pasand chiz mile fir chahe wo khusi chandi ki payal me na hoke kuch ghunghroo me ho Maine uske purane ghunghroo ko uski nayi payal me add kar diye or is baar jaise hi usne apna pair jameen pe rakha or ghunghroo ki awaaj se uske chehre pe fir se wo smile wapas a gyi or wo bacchi ghum ghum k nacne lagi Sayad ab use mera ye gift pasand a gya tha Ye sab dekh k main apna gussa or pareshani kab ki bhul chuka tha or subha Se lekar kuch der pehle tak ki meri sari uljhane khatm hogyi us bacchi k chehre ki wo khusi dekh kar Maine apna pura packet un aunty ko diya or kuch chips k packet bhi us bacchi ko diye because mujhe ye sab dekhte dekhte 1 ghante se bhi jada ho gya tha or us bacchi ne utni der se kuch bhi nahi khaya tha iske baad main waha se wapas ghar a gya.. fur mujhe yaad aya k main to us bacchi ka naam to puchna hi bhool gaya to maine khud hi use naam de diya (KHUSHI) jo mere chehre pe uski wajah se ayi thi or uske chehre pe hamesha se hi thi...Sach me dusro ko khusiyan de kar sach me dil ko jo sukoon milta hai wo sayad koi de hi nahi sakta subha tak jis dost se naraaz tha ab usi ko thanx bolne ka mann kar rahaa tha because uski hi wajah se mujhe ye pta chala k khusiyan batne se hi badhti hai Agar wo mujse kiya hua promis na todti to sayad ye sab na hota Or ek baat jo maine us din sikhi wo ye k kabhi bhi agar hame gussa aye to kisi ki choti si help kar do yakeen mano bahut sukoon milega or gussa bhi khatm...


© Copyright 2017 ayush kanojia. All rights reserved.

Booksie 2017-2018 Short Story Contest

Booksie Popular Content

Other Content by ayush kanojia

CHOTU

Book / Other

Khushi

Short Story / Other

Maa

Poem / Religion and Spirituality

Popular Tags