Kokborok kok-Reke by Bishudeb

Reads: 164  | Likes: 0  | Shelves: 0  | Comments: 0

More Details
Status: In Progress  |  Genre: Poetry  |  House: Booksie Classic


Kokborok kok-Reke kokthai ni phemelokmung ni bising omo bo kaisa kokthai amo wngkha Kokborok Kok-Reke.

Submitted: May 06, 2018

A A A | A A A

Submitted: May 06, 2018

A A A

A A A


“The Kokborok Kokreke is one of the most popular in earlier times of indigenous people of Tripura. They conversate with Kokborok Kokreke”

1. Semani haping taklaini masing, tongtwi chatwi no khaching-khaching.

2.Raja gangwla bwlai patwla, thapa kobong kaimale bakase kwswng thaio.

3.Tata Tayung bo buphango baya, mwkhra Sakho hungya.

4.Harung duksini chogwi naibo kenjua bwtwi many.

5.Dudu gamari rwsami hwngkhe, khitarwi rohorwi bo achugo.

6.Yapha som chama gwnang hwngkhe bidesho tongwibo ani, yapha som chama kwrwi hwngkhe thongor o tongwibo buini.

7.Kwthang tongkhese rongo tomosa, thwi khele toksa masa.

8.Twi kwrwi huk ta chadi, jati kwrwi nok ta tangdi.

9.Harung haa kwchak mairum rang gwnang, angsi songnani kwrwng.

10.Ail tolani gunthu, angno nini ungthu.

11.Gurjon hulwi bo hor mwchwng mano, kwnwi phan baksa hwngkhe.

12.Mai ni jora bo khul wngya, khul ni jora bo mai wngya.

13.Tokni bising bo tok bwsa-bwsa rangchak monaya kaisa, Rangni bising bo rang bwsa-bwsa siki adulwi kaisa.

14.Harung duksini twi rangsi-rangsi nwngbai tei tamo tongsi.

15.Ashin bai kartik mai sari-sari, mayada sari langsi.

16.Nukya khe nukya nukya babisa, nukya ni khano juda.

17.Nugui tongtwtwi tongwi manlia, mayasi joli sio.

18.Sainda tamwi bo hik khoroksa mano, sainda ba mwtai yade? Sumor tamwi bo hik khoroksa mano, sumor ba mwtai yade?

19.Rangchak hwnwi bo rangni bumung si, monai nungwi bo tokni bumungsi. Twma mung lobwi nungnai o monaya?

20.Kwnwi ri kangsa nwngbai wngyakhe, yak ni damwra kotok o suri, changni rikutu khe phasi.

21.Laiphang murwi bo hor mwchwng mano, kwnwi chwng kha thansa hwngkhe.

22.Taknai kaitor si tagwi rohorlia, sabono ba tei swraina tongsi.

23.Sal ni saibo tei kuchuk kwrwi, Phunugwi kwlangkha nono.

24.Chwkhwi ni saibo tei milip kwrwi o ha sakao, dud ni saibo tei kuphur kwrwi o swngsar o.

25.Ha ni saibo tei hilik kwrwi rwui kwlangkha ha ni bwsa rokno.

 

Paikha Hambai! 


© Copyright 2018 Bishudeb. All rights reserved.

Add Your Comments: