Jelly(Hindi)

Reads: 61  | Likes: 9  | Shelves: 0  | Comments: 0

More Details
Status: Finished  |  Genre: Romance  |  House: Booksie Classic


story of parth and his past ..

Submitted: July 22, 2018

A A A | A A A

Submitted: July 22, 2018

A A A

A A A


December, 2018

(Sardio ka mausam, ek railway ka bridge , bridge k aas pas hare ghas ke maidan , ghas ke maidan ko beech se divide karti hui ek paani ki jheel )
( unhi ghas ke maidan me ek group camp laga ke picnic enjoy kr raha hai. Sardio ki dhoop dophr ka itna acha mausam. Khili khili dhoop. Us group me kareeb 10 log jisme 4 ladkia aur 6 ladke)
(ek badi chattri lagai hui hai camp k liye , pas me hi do bade speaker , speaker ke upar music system , chattri k niche bethne ke liye mats bichi hai, wahi snacks and vodka/beer ki bottles hai. Music system chal raha hai aur 3-4 log dance kr rahe hai masti me)
 

Railway bridge ke pas niche ghas me ek ladka leta hua hai besudh sa. Usne black coat andar white shirt aur niche black pant and black shoes pehne hai.
uske kaan me piche chal rahe music system se nikalne wale music ki aawaj aarhi hai. Wo khada hota hai aur us camp ki taraf jane lagta hai, ab music par 3-4 log ki jagah 7-8 log dance kr rahe hai .. wo sb dance krte huye is ladke ko aate dekhte hai.
ye unke pas aata hai aur bina kuch kahe inke sath dance krne lagta hai.. apne hath per marne lagta hai.. dhakka dene lagta hai sabko dance krte huye.
Camp me se do ladke isko pkdte hai and iska chehra dekhkr ek ladka puchta hai- are tum to parth ho?
dusra ladka- are han ye to parth hai
sb dance krna chor ke us ladke(parth) ke ird gird khade ho jate hai
jisne pehle bola tha ke tum to parth ho wo ladka kehta – parth tumne hume pehchan lia?
fir wo ek ladki ki taraf ishara krke kehta hai- parth ye yaad hai tumhe ye apne college ki beauty queen thi aajkal Infosys me hai
fir dusre ladke ki taraf kehta hai – aur ye yad hai parth tumhe ye hmesha class me so jaya krta tha ab iska khud ka business hai
ek ladki puchti hai – parth tum kya kr rahe ho aajkal
parth- main barbaad hu
aur ye kehkr wo has jata hai par us hasi ke piche bahut gussa hota hai
sab log uska ye jawab sun ke weird ho jate hai aur chehre par hasi le aate hai wo sochte hai ke parth majak kr raha hai
tab hi jo do bande chattri ke niche bethe hote hai unme se ek aata hai aur kehta hai- are choro choro parth ho mera dost itne saalon bad mila hai mujhe
aur wo parth ko hath se pkd ke chattri ke niche le jata hai aur kehta hai- aao parth ek ek drink ho jaye
parth aur wo ladka beth jate hai matt par baki sab b beth jate hai aur snacks vgera open krne lgte hai
wo aadmi do drink banata hai aur ek parth ko dekhta hai aur dusri khud peete huye parth se kehta hai- parth ktne saal ho gaye na yr, wo bhi kya din the, lekin parth main tumse dil se maafi magna chahta hu us bat ke liye
parth- thk hai koi bat nhi (aur parth apni drink ek bar me pee jata hai)
wo aadmi again parth k glass me drink bana ke usko deta hai and apni bat ko continue krte huye kehta hai- parth main sach me tumhari bhi bat krne wala tha attendance ki but mere dhyan se nikal gaya sorry parth
parth- koi bat nhi
ab wo aadmi parth ke gale me hath dalte huye kehta hai- parth sach me main tumse maafi magna chahta hu
tab hi parth bethe bethe hi usko dhakka dekar chillate huye kehta hai- maine kaha na koi bat nhi..

sb is reaction ko dekhkr tensed ho jate hai.. wo aadmi parth ki shakal dekhta hai.
parth sab se puchta hai- kya main ek gaana gaa skta hai
sab uske weird behave ki wajah se usko mana nhi kar pate
aur parth apni jagah se uth ta hai speaker ke upar rakha mic uthata hai aur gaana shuru krta hai wo kisi filmi gaane ki dhun par hi gaana gane lgta hai- ye kya hua mere sth hi ku , kyu main barbad hua koi puche mujhse to
zindagi se mujhe nhi hai pyar
bula le ae aasman mujhe apne pas (ye line ko upar aasman ki taraf dekhte huye kehta hai)
aur gaate huye wo bethe huye logo ko hath se pkd pkd ke jabardasti dance krne k liye uthane lagta hai
aur gaate huye dhakka dene lgta hai to baki k log usko pkd ke us se mic cheen lete hai aur ek ladka music system par music laga deta hai aur wapis sab dance krne lag jate hai
parth idhar udhar bhaagne lagta hai chillate huye aur bhaagte huye wo bagal me beh rahi jheel me jake let jata hai aur paani me hath per marne lagta hai..
 

Next Scene

 

Is scene me ab fir wo sab log chattri ke niche bethe hote aur bat kr rahe hote hai ke parth ho hua kya hai, wo itna ajeeb to nhi tha , ek ladka majak me kehta hai ke parth ki shyd gf usko chor ke bhaag gayi hai aur sb hasne lgte hai

parth filhal ab thoda bheega hua hota hai qki wo jheel me kud gaya tha..baal bhi geele hote hai uske aur ab wo us camp ke just samne khada hota lekin fark itna hota hai ke camp ghas ke maidan par laga hota aur parth camp k just samne railway bridge par khada hota hai.
 

Kya ye bridge se kudne wala hai camping kr rahe logo me ek ne pucha to dusra bola are na re bridge se kud ke ye marega thodi sirf hath per tootege aur itna dard nhi lega ye shyd train se katega.
ek ladki kehti hai hume use rokna chahiye to ek banda parth k pas jata hai wo niche jameen par hota hai aur parth upar bridge par
wo ladka kehta hai- parth kya hua hai ..Niche aajao bhai bat krte hai
parth usko sun ke apne baal nochne lagta hai dono hatho se aur chilla ke kehta hai why me?
udhar camp me ek kehta hai lekin ye upar chada kaise?
jaise b chada ho  aur waise b jo log bridge par chadte hai wo mostly darane ke liye hi chadte hai kher hume kya krna us se hum to apni picnic enjoy krne aye hai lets dance
to ek ladki wahi khade khade chilla ke kehti hai parth tumhe jo krna hai wo kro hume fark nhi padta
aur sab wapis dance krne lg jate hai .. sirf ek ladka camp me se parth k pas hota hai jo use bar bar niche aane ko bol raha hota hai
wo ladka- parth please niche ajao yr
tabhi train ki aawaz aati hai aur parth train ki taraf muh krke khada ho jata hai
niche wala ladka chillata hai parth
train jaise hi parth ke kreeb aati hai parth dono hath faila ke kehta hai -  “I Want to Go back”
aur train paarth ke chitdhe (tukde) karte huye nikal jati hai..

 

 

 

(Train reverse hoti hai waise hi time reverse hota hai.. December 2018 ke us din se thoda pehle wale station par train aake rukti hai)

 

Parth ki Suicide se kuch day pehle

1)

Ek choti si dukan type ka office hai . us office ke andar ab office jaisa kch raha nhi hai
sirf ek table hai do kursi hai aur ek almari hai
us office me abhi parth hai aur parth us amari ko open krke usme se ek bandal nikalta hai bandal packed hai newspaper se lekin dekhne me aisa lg raha hai jaise usme paise hai.

fir wo apni jebh se phone nikal ke kisi ko phone karta hai
phone par samne wala banda- dekho saab apne aap sb milega, aap apna budget batao
parth- 40 .. 40 tk
phone- apko ek dum mast deta hu 40 me jis par b gussa hai na pas se marne ka ek shot me banda paani nhi magega sidha upar nikal lega.
.22 ki revolver deta hu apko..

Fir kuch aur bat hoti hai in dono me aur parth phone rakh deta hai.
 

Next Scene
parth apni wagon R se ek sumsaan jagah jata hai jo ek kachre ka dher hota hai aur gaadi rok ke gaadi ke bahar aake gaadi par khada ho jata hai
samne se do ladke bike par aate hai
wo parth ko ek parcel dete hai aur parth unhe wo hi bandal deta hai news paper wala.. bandal rakhne ke bad bike wale aadmio me se bike chalane wala aadmi puchta hai- sahab marna kisko hai?
parth-khud ko
ye sun ke wo dono bike wale bike lekr bhaag jate hai
parth apni gaadi me beth k eek restaurant me jata hai waha se apne liye nastha pack krwata hai paise na hone ki wajah se wo apna phone us restaurant wale ko de aata hai aur keh deta hai paise dekr phone le jayega jo wo ab kbhi lekr nhi jane wala tha

 

Gaadi me aata hai aur un dono ladko se lia gaya parcel kholta hai usme ek bullet ka packet aur .22 ki ek revolver hoti hai.. bandook hath me lekr pehle apne maathe par bandook rakhta hai aur chala ke dekhta hai abhi tk bandook khali hoti hai …dishkiyau..
fir ek bar apne mouth me bandook rakhkr ek bar fir chala ke dekhta hai dishkiyau…

Fir bandook side me rakhkr nasthe ka parcel open krke car me beth k khana khata hai
fir wo bandook me ammo load krta hai aur apni gaadi ek business hub ki taraf le jata hai
jaha bahut sare offices and shops hoti hai

Car me music chal raha hota hai- zindagi ke safar me gujar jate hai jo mukam wo fir nhi aate wo fir nhi aate.
parth us song ko sun ke hasta hai aur haste haste apni car k music system me ghuse marta hua business hub ki parking me apni gaadi laga deta hai.
Revolver belt me laga ke aur belt ko apni blue woollen jacket se cover krke wo ek office me jata hai .. subah ka time hota hai ye kareeb 9 baje ka..
India me aksar is waqt par office open hone ki shuruvat hoti hai..
Hub me adhiktar dukane abhi band hoti hai
wo ek dukan me jata hai jaha cabin me ek aadmi computer par kam kr raha hota hai aur cabin me jate hi apni belt se bandook nikal ke us aadmi ki taraf aim krke sidha fire krdeta hai lekin goli us aadmi ko nhi marta us aadmi ke piche lage kaanch me marta hai.
cabin me betha aadmi is action se ghabra ke behos ho jata hai
hub ke aas pas bethe kabootar bandook ki aawaj se hawa me udh jate hai
bandook belt me laga ke waha se bahar aata hai gaadi me beth ta hai aur ek ladki ke room par jata hai waha bell bajata hai to uski roomie door open krti hai lekin sirf thoda sa aur puchti hai- ku aye ho ab yaha
parth- tara ? tara hai?
roomie- wo so rahi hai? Tum ab yaha ku aye ho, wo tumse pyar nahi kari .ye bat smjh nhi aati
aur roomie darwaja band krne wali hoti hai, parth darwaje ko hath se pkd leta hai
roomie-choro
parth nhi chorta
roomie- parth darwaja choro
parth haste huye darwaja chor deta hai

ab wo apni car apne usi office ke pas le aata hai jaha sbse pehle aya tha.. aur jebh se keys nikal ke office ka taala kholne lagta hai
ek gaadi pehle se uske office ke samne khadi hoti hai usme ek aadmi betha hota hai aur parth ko dekh raha hota hai
parth chaabi se office  ka lock kholne ki kosish krta hai par khul nhi raha hota hai
wo aadmi gaadi se utar ke parth k pas jata hai aur parth se kehta hai- hato mujhe try krne do
parth hat jata hai aur us aadmi ko dekhta hai
wo aadmi lock khol ke darwaja open krta hai aur parth se kehta hai- ab andar ja skte ho tum

Parth uski shakal dekhte huye andar aata hai aur wo aadmi darwaje par hi khada rehta hai. Darwaja khula hota hai
office teetar bitar halat me hota hai
parth andar aake table par padi paani ki bottle uthata aur paani peeta hai
paani peene ke bad us aadmi ki taraf bina dekhe kehta hai - andar aajao

Wo aadmi andar aata hai aur aake office ki halat dekhta hai. Parth usko dekhta hai aur jaise hi us aadmi ki najar parth se milti hai parth kehta hai- beth jao aur maafi chahuga itni achi mehman nawaji ke liye

Parth ke chere par gussa aur khisyana pan saaf dikh raha hota hai us aadmi ko
aadmi table k pas ki chair beth jata hai aur kehta hai- badi muskul hui tumhe dhundne me parth.

 jaise hi wo aadmi ye kehta hai parth apni belt se bandook nikal ke uski taraf point krke kehta hai- maine kaha aur tum beth gaye ..
wo ye sun ke khada hone lgta hai lekin parth bandook uski hi taraf rakhkr kehta hai- bethe raho ye koi game nhi hai. Ye hi soch rahe hoge na ke main aisa pagal ku hu, mjhe to ye bhi nahi pata ke tum kon ho? Tumhe kisne bheja hai? Fir bhi main tumse bat krna chahta hu. Mausam acha hai. Drink lete huye bat krte hai.. lekin ab mere pas ek footi kodi nhi hai jo bhi mera paisa tha maine us se ye kharid li (usko bandook dikhate huye kehta hai)  aur uske pas wali chair par beth jata hai.
Ye maine sirf isliye kharidi ke apne sth kisi ek ko maar saku.
Main akela nhi marna chahta
ek to sath me chahiye hi..
Un sab me se ek jinhone meri life ko barbad kia
lekin ksko maaru
un sab me se ek ko choose krna bahut kathin hai mere liye
parth ab rote khisyate aur chillate huye bolta  kya apne business partner ko maaru jisne mere sare paise dhoke se hadap liye (that guy jiske office me abhi parth goli chala k aya tha)
ya fir apne us college ke dost ko jisne meri attendance me gadbad krke mera career barbad kia
ya fir apni us dost ko apne sth lekr jau jisne mere pyar ko kbhi nahi smjha [that girl (tara)]
(yaha ab parth chillana band krdeta hai)

Ktna kathin hai na kisi ek ko chun na jinhone meri life baraad ki
mujhe nhi pata tum yaha ku aye ho lekin ab tumhe nhi aana chahiye tha

Aur parth revolver apne maathe par rakhkr kehta hai ab tum choose kro
dekhna chahte ho ye ya jana chahte ho
wo aadmi niche face krta hai fir parth ki taraf face krke kehta hai ke – mera naam anurag hai
tum varnita ko jante ho?
varnita naam sun ke parth bandook niche krleta hai and uski taraf dekhta hai
anurag- varnita ne mujhe bheja hai

Parth- usne ku bheja hai aur tum kon ho uske?
anurag- main uska husband hu aur wo tumhe dekhna chahti hai
parth- majak kr rahe ho wo mujhe ku dekhna chahti hai.
 

Next Scene
ab parth aur anurag , anurag ki gaadi se ja rahe hote hai. Anurag gaadi chalate huye ek restroom ke samne gaadi rokta hai aur gaadi ki backseat par rakhe ek carry bag ko parth ko deta hai aur kehta hai ye kapde varnita ne tmhare liye bheje hai.
parth wo bag lekr restroom me jata hai aur kapde change krke aata hai ab wo white shirt black coat aur black pant me hota hai ye wo hi kapde hai jisme usne suicide kit hi.
wo change krke gaadi ke pas aata hai aur window par aake anurag se kehta hai – kya mujhe kuch paise udhar mil sakte hai? 20 rupee
anurag uski shakal dekhte huye apne wallet me se usko 50 ka note deta hai
parth note lekr samne ek shop me jata hai aur waha se jellies ka ek box lekr aata hai aur car me beth ta hai..
anurag- ye kisliye?
parth- hospital me kisi ko dekhne khali hath nhi jate ..
 

(gaadi hospital ki taraf jati hai. Raste me anurag usko batata hai ke varnita hmesha college time ki bat krti thi ke kaise tum aur wo first year me mile the aur tum dono ka pair ktna acha tha. Kal rat hi varnita ki tbiyt achanak khrb ho gayi aur ab wo unconscious ho chuki hai)

hospital me varnita ke bed k pas jake anurag kehta hai- varnita, parth aya hai
varnita na dekh skti hai is samay na bol skti hai. Wo sirf sun skti hai. Uski aankhe band hai aur bahut sari machines us se attach hai
parth uske pas jata hai aur bolta hai- varnita ktna time ho Gaya Na. Aur apni jebh se jelly ka box nikal ke bed par rakhta hai aur bolta hai -  tumhe yaad hai jelly tmhari favourite thi.. Class me tum aur main beth ke jelly khaya krte the .
ye tab bhi aisi hi dikhti thi aur aaj bhi ye aisi hai bas tumhari aur meri zindagi bahut badal gayi hai ab
ye tab bhi utni hi meethi thi aaj bhi utni hi meeti hai
bas hmari hi zindagi me ab kadwahat ho gayi hai
I am sorry varnita ye kehkr parth rote huye us room se bahar chala jata hai..

Ye sab sun ke varnita ki band aankho se ek aashu ki drop nikalti hai.

(Hospital ke piche railway track hai jo hospital ki khidki se dikhta hai waha se ek train jati hai reverse me aura b train aati hai is se pehle ke ek station par)

 

 

2)

 

July, 2018

Parth aur tara café me bethe hote hai
parth tara ko MA economics ke bare me bata raha hota hai tara ki ek subject me re aagyi hoti hai parth usko smjhata hai and café me hi pocket me se ek daily nikal ke economics ke kuch main main terms uske liye likh deta hai and wo page dairy se faad ke tara ko de deta hai

Fir puchta hai- aur bank exams ki teri preparation kaisi chal rahi?

Tara- bas yr chal hi rahi hai. Paper nikalta hi nhi hai

Parth- aisa nahi hai bas time nahi hoga abhi tera. Baki main to 100% sure hu ke tere jaise aspirant hi bank me select hote hai.. tara you are a dream girl.. tu kch bhi kr skti hai..tu meri princess hai and I know my princess can do anything.
tara- hmm main try kr rahi hu parth
parth- tara listen na I still love you
tara- I know kuch naya bata na
parth- baby 3 saal ho gaye hume mile huye abhi tk vishwas nhi hota ke main tujhse pyar krta hu
tara- parth dekh main tujhe pehle b bol chuki hu ke main tujhse pyar nhi krti . Main aisa kch feel NHI krti. Mujhe NHI smjh me aata ye relationship vgera
parth- relationship vgera nhi smjh aata wo thk hai. Main to sidha tujhse shadi krna chahta hu. Tu meri dream girl hai baby
tara- lekiin tu meri ye bat Kyun hi smjhta ke main Teri is janam me to kbhi nhi ho paugi.
Parth- tujhe 3 saal me mera pyar NHI dikha to ab aage b kya dikhega. Mjhe nhi pata tu mjhe hurt kr rahi h ya nhi but mjhe bahut hurt hota hai baby.. Main tere alawa aur kisi ko imagine nhi kr skta
tara- parth tu sirf mera ek acha dost hai..tu mera bestie hai baba.
parth- lekin ye bestie tujhe apni princess bana ke rakhna chahta hai life time ke liye, main teri mom se bat krne ko taiyar hu tu han to bol
tara- sorry parth ye sab batein mere liye bakwas hai please ye sab batein bar bar mat kia kr mujhse
parth- to tu meri life se door kun hi ho jati.. chali kun hi jati mujhe chor ke
tara- ye meri life hai meri marji hai..main jis se chahu us se bat kru
parth- lekin tujhe meri feelings ki jab koi qadar nahi hai to mujhe hurt hota hai tujhe apne pas dekhkr qki jo cheej meri nhi ho skti use samne dekhkr bahut dukh hota hai yr
tara- agr aisi bat hai to main teri life se door chali jati hu mujhe koi dikkat nhi hai isme bas tu hapy reh..
(tara uth ke jane lgti hai )
parth- tu chali jayegi to b happy nhi rahuga main .. tu pas hoke bhi pas nhi hai

tara chali jati hai aur economics ke terms likha hua paper wahi table par chor jati hai aur jab tara uthti hai to uski elbow se tomato ketchup gir jati hai aur us dairy k page par red red sauce fel jati hai har jagah
ye hi haal parth ke dil ka hota hai

(udhar parth apne new startup jo usne tshirts ka dala tha uske liye jis business partner ko 3 lakh rupee dekr aya tha)
usko pata chalta hai ke uska business partner uske 3 lakh rupee lekr udh gaya)
uske pas sirf ek dukan reh jati hai jo usne apne tshirt k business k liye  kharidi thi..

Parth dono icidents ki wajah se toot gaya hota hai..
Tara ka uske pyar ko na smjhna aur uske business partner ka uske sare paise lekr bhaag jana..
WO pagal sa ho jata hai kareeb do mahino tk tara ki us se koi bat nhi hoti ..do mahine bad wo tara ko ek ladke ke sth dekhta hai
aur dekhne me saaf smjh aaraha tha ke tara aur wo ladka shyd relationship me hai…
parth apni car me bethe bethe un dono ko dekhta hai
sham ko wo tara ke room par jata hai.. tara ki roomie ko dhakka dekr wo tara se kehta hai – koi aur pasnd tha to mujhe bata deti na. maine tere se jabardasti na kbhi ki thi na kbhi kruga.
tara apne bed par bedsheet ko biichate huye kehti hai- ku aya hai ab yaha . us din se tera mera rishta khtm ho gaya aur tune mjhe jane ko bola to main chali gayi
parth- yr maine bola aur tu chali gayi. Tune zara bhi nhi socha ke main tere bina kaise rahuga aur jo tune vaada kia tha mjhse k parth ek bat yad rakh ke ye tara tera sth kbhi nhi choregi
tara- yr dekh ab tu mujhe galia de aur main apna vaada nibhau to ye dono cheeje to sth me ho nhi skti
parth- maine tujhe kbhi gali nhi di ..Bas maine ye bataya ke mujhe bahut hurt hota hai
tara- han to main tujhe dukh deti thi to main teri life se chali gayi ab to khush reh tu
parth- kon tha wo?
tara- tujhe us se kya?
parth- pyar karti hai us se? Shadi kregi us se?
tara- han pyar bhi karti hu aur shadi b usi se krugi. Wo hai jo mujhe smjhta hai meri respect krta hai
parth- wah tara wah kch dino me hi tune use ache se jaan lia aur main tere sth 3 saal raha .. teri har situation me sth raha.. Tujhe ek princess ki tarah treat kia . tujhe hmesha respect di par tu meri feelings 3 saal me nhi smjh payi
tara- wo jo bhi ho.. uski meri shadi hone wali hai aur main shadi ke bad Sweden chali jaugi. Behtar hoga mjhe bhul ja aur aaj ke bad yaha kbhi mat aaio..
parth- tu mjh me bas chuki hai tara, teri yaad nhi jayegi mere andar se ..sirf mar ke hi niklegi tu..ya to tu maar mujhe ya main khud hi mar jau ..tu bata
tara(haste huye)- khud hi mar ja….
 

(Tara ka jaha room tha uske piche se ek railway track jata tha ..waha se ek train reverse me chali aur wo parth ki life me aur piche wale station par aagyi)

 

3)

Is poore vakya se 6 saal pehle ki bat
parth 12th karke engineering college me gaya
waha uske kaafi sare dost bane wo bahut hasmukh ladka tha . sabse ache se bat karta aur sabi help karta tha..
first year college ka pass hua
second year aya
parth ab senior ho chuka tha aur uski sbse achi dost varnita thi. College me inke dost inhe love birds bulate the but real me ye tha ke ye dono ek dusre ke liye special feel krte the but us umar par in me se kisi ne ek dusre ko propose nhi kia tha
second year me aake parth ne college bunk krna start krdia
varnita ne parth ko bahut samjhaya ke college bunk ek limit me thk hai parth aise regular bunk kroge to attendance short ho jayegi aur exams me nhi beth paoge
parth nhi mana qki parth ka ek dost tha jisne kaha tha ke uski jugad hai clerk se aur wo attendance un sabki 75% krwa dega..
second year se bunk ko lekr parth aur varnita me khit pit hone lgi
aur aakhir wo hi hua jo hona tha
external exams se pehle detained students ki list aai aur usme parth ka naam b aagya
parth ne apne us dost se bat ki aur dost ne kaha ke relax sb ho jayega..
jab finally call letter wala din aaya to parth ko chor ke baki sab baccho ko call letter mil gaya.
parth ka jis dost ne uske sth bunk kia tha uske hath me call letter dekh parth ne us se pucha to usne bataya parth maine us se bat ki but usne mana krdia attendance badhane se
parth smjh gaya uske sath yaha b dhoka ho gaya..

parth ko exams me nhi bethne dia aur parth ka engineer ban ne ka sapna ek sapna hi reh gaya
is mushkil samay me varnita ne parth se bat krne ki kosish ki lekin parth ke upset mood aur family problems ki wajah se parth ne usko bhaga dia aur us se kbhi baat na krne ko bola…

parth ki barbadi yahi se shuru ho gayi
iske kch saalo bad uski zindagi me sitara ban ke tara aai
parth ko lgne laga bhagwan ne usko jeene ka dusra mauka dia hai
parth ne graduation ki aur apna startup daalne ki kosish ki
startup me jo business partner tha wo paise lekr bhaag gaya aur parth ki jaane jigar taara ne kbhi uske pyar ko smjha nahi..
aakhir kar parth ek kaayar hi siddh hua jisne maut ko gale lag alia.

lekin parth aur varnita ki wo pehli mulaqat kuch is tarah se thi…
 

Engineering ke first year ke kuch students ek picnic par aye hote hai jinme parth and varnita b hote hai.. kareeb 10-12 log hote hai ..abhi tk varnita aur parth ek dusre ko naam se jante hote hai kbhi bat nhi ki hui hoti hai…
jagah same waisi hi hoti hai..
ek railway bidge uske niche ghaas ke maidan aur maidan ko divide krti hui ek jheel beech me se..
ghaas me lage huye flower ke plant ko parth dekh raha hota hai
varnita- tumhe flowers pasnd hai?

Parth uski taraf dekhte huye – han mujhe ache lgte hai
varnita parth aur flower k pas aati hai parth niche sar krke khada hota hai
parth- ktne pretty hai na ye
varnita- han bahut zyada
parth- kbhi kbhi sochta hu ke kash main ek photographer hota to in sare pretty flowers ki photos leta ..(aur parth apne hath se camere ki shape bana ke pehle flower ki photo leta hai. Fir apne hath ki shape wale camere ko varnita ke face ke samne le jake uski bhi photo click krta hai)
varnita muskura deti hai
asal me wo ye bolna chah raha hota hai ke varnita tum b ek pretty flower ho.
fir parth chalne lgta hai aur sth me varnita bhi chalne lgti hai
varnita ke shoulder par jo carry bag hota hai usme se woe k jelly nikal ke parth se kehti hai- taste kroge?
parth uske hath se jelly lekr kehta hai- ye meri favourite hai. Kya tumhe b pasnd hai?
varnita- yes mujhe bahut pasnd hai.. main chote se kha rahi hu jelly

(iske bad se parth aur vernita ne first year me class me beth ke bahut sari jellies khai thi sth me)

Jelly khate huye parth suddenly ruk jata hai
varnita- what happened ?
parth- main yaha kbhi aya nhi.. lekin aisa lgta hai ye aisa meri dekhi hui hai. Ye flower. ye jheel ye railway bridge
varnita- han ye possible hai.. maybe tumne kbhi ye sab sapne me dekha hoga

Parth- kya sach me maine ye sab kbhi sapne me dekha tha?
varnita- han woe k acha sapna hoga aur shyd us sapne me main bhi hungi
ye kehkr wo sharma ke aage chali jati hai parth wahi khada muskurata hai
aur wo pas me lage plant se ek flower todta hai
aur aawaj deta hai varnita
varnita uski aawaj sun ke ruk jati hai aur uski taraf mud ke dekhti hai
parth varnita ke pas aake usko wo flower deta hai aur dono niche muh krke muskurate hai.
wo phool lekr chali jati hai aage jaha unke group k members ek circle bana ke gaane ga rahe hote hai

wo log wo hi gaana gaa rahe hote hai jo story ke starting me parth ne gaya tha..
varnita b circle me hoti hai aur varnita ke third left parth betha hota hai
ek banda guitar baja raha hota hai aur baki ke sb sth me gaa rahe hote hai aur talia baja rahe hote hai
gaate huye beech beech me varnita aur parth ek dusre ko dekh rahe hote hai
3-4 bar muskura ke woe k dusre ko dekhte hai aur fir parth uth ke us circle se thoda door jake ghas me let jata hai aur uski aankh me se ek aashu aajata hai.
aur next scene at present ka aajata hai jaha aisi hi ek jagah par parth ki body ke tukde pade hote hai train se kate huye……
 

   THE END

 



 


© Copyright 2018 Suyashdewa. All rights reserved.

Add Your Comments:

Booksie 2018 Poetry Contest

Booksie Popular Content

Other Content by Suyashdewa

DECEMBER NIGHTS  part- I

Short Story / Romance

An Untold Saga- I

Short Story / Romance

Rains (hindi)

Short Story / Other

Popular Tags