MAGDALENA

"MAGDALENA"

MAY ISANG DALAGA NA UBOD NG GANDA,

KANYANG KAGANDAHA'Y KAHALI-HALINA

DUON SA PROBINSYA'Y PINAG AAGAWAN SYA

MAHIRAP MAN O MAYAMA'Y NAG PAPANTASYA.

SIYA'Y NAGMULA SA PAYAK NA PAMILYA

ISANG KAHIG ISANG TUKA, GANYAN LAGI SILA

KAYAT ITONG DALAGA'Y LUMUWAS PA MAYNILA

BAKA SAKALING MAKATAGPO NANG SWERTENG PAMPAMILYA

SYA'Y NAG TUNGO KUNG SAAN-SAAN

PUNTO DOON PUNTA DITO

DI MALAMAN PAROROONAN

HANGGAT MAY NAKILALA

MAKISIG NA LALAKI

MAGINOO NGUNIT MATAPANG

KAPAG ITO'Y KINAKANTI
 

ITONG SI MAKISIG AY MAY ANGKING KAGWAPUHAN

KAYAT SI BABAE'Y NAHULOG NA NAMAN

KUMAIN, NAG GALA, NAG LASING, NAGLAMPUNGAN

KAYA'T NANG UMAGA'Y INIWAN LANG SA LANSANGAN

KAWAWANG BABAE NILOKO'T INIWANAN.

MAY ISANG MISTISANG DALAGA NA LUMAPIT SA KANYA

HABANG SYA'Y NAGLALAKBAY SA KAHABAAN NG KALSADA

TINANONG S'YA NITO KUNG MAY TRABAHO S'YA

SAGOT NAMAN NYA'Y “SANA'Y MAGKAROON NA!”

INALOK SYA NITO NG ISANG TRABAHO

KITA'Y MALAKI SAPAT PANG NEGOSYO

BASTA'T SYA'Y MATIYAGA AT HINDI ESKANDALOSO

KAYA'T SI BABAE NAANTIG AGAD DITO

PAG DATING SA LUGAR

NAGKALAT MGA TITULO

MGA NAKA SULAT AY TULAD NITO:

“LANGITNGIT NG PAPAG”

“ISAGAD MO KUYA!”

“K'YAH! KYAH! PA ISA!”

“SA ILALAIM NG IMAHINASYON”

KALAUNA'Y NAKARATING NA

SA TAMANG DESTINASYON

TUMAMBAD SA KANILA

ISANG MATABANG BABAE

NA ANIMO'Y PAYASO

SA PUNO NG KOLORETE

AGAD SYANG TINIGNAN MULA ULO HANGGANG PAA

INAMOY, HINAPLOS, INIRAP-IRAPAN PA

AT NANG MAHIMASMASA'Y

TINAWAG S'YANG MAGDALENA

KINAGABIGA'Y NAGUMPISA NA

ANG TRABAHO NI MAGDALENA

SUMASAYAW WALANG SAPLO'T

NA DI IBA SA KANILA

'PAG NAPAG-DISKITAHAN NG CUSTOMER

HALA! SIGE, ARANGKADA

HINDI PWEDENG TUMAGGI

DAHIL LAGOT KAY MAYORDOMA

GANTO ANG KAPALARANG

NAGHINTAY KAY MAGDALENA

HINDI NYA LUBOS MAISIP

BAKIT GANTO SINAPIT NYA

NAGBAKA-SAKALI

LUMUWAS NG MAYNILA

AKALA'Y GINHAWA

NGUNIT PELIGRO PALA

SYA NGAYO'Y NAKAKULONG

SA KADENA NG KAPALARAN

GABI GABI NALANG

SYA LAGI ANG PULUTAN

PARA LANG MAKALIKOM NG SAPAT NA KAYAMANAN

NANG MAY MAIPADALA S'YA

SA KANYANG MGA MAGULANG.

DUMATING ANG ORAS NG PANININGIL

MAGDALENA'Y GANDA, TILA BIGLANG TUMIGIL

PUMAPAYAT, NAGKAKASAKIT, NAOOSPITAL LAGI-LAGI

KAWAWANG MAGDALENA DINAPUAN SAKIT

SAKIT NA NAKAHAHAWA

SAKIT NA INIIWASAN,

SAKIT NA NAKALALASON

SAKIT PANG HABAMBUHAY.

KAYA'T NAISIP NI MAGDALENA

BUMALIK NA MUNA SA KANYANG PAMILYA