meri kahani

Reads: 302  | Likes: 0  | Shelves: 0  | Comments: 0

  • Facebook
  • Twitter
  • Reddit
  • Pinterest
  • Invite

More Details
Status: In Progress  |  Genre: Poetry  |  House: Booksie Classic
meri kahani.....

meri maa ke kok se lekar mere kabr me jaane tak, main ek musafir tha is duniya mein.

jab aaya is duniya me pehli baar mere kaano me meri maa ki aawaaz aayee. wo kisi se pooch rahi thi kaisa dikhta hoon main.

maine apne dilme kaha maa main tera hissa hoon aur tujhsa hi dikhta hoon main.

meri maa ne kaha 9 mahine tu mujhme tha aur aaj jake tu meri duniya aaya hai, mere liye sari duniya ki khushiya tu laya hai.

maine apne dilme kaha, maa bas isi baat se main khush hoon ke mere duniya mein aane se tu khush hai.
warna tere kokh se pyari duniya to uparwale ne bhi nahi banaya hai.

mere rone se tu ye jaan jati thi ke main bhookha hoon. aur tere rone se main ye jaan jata tha ke main bimaar hoon.

khud jaagkar mujhe raaton ko sulaya tune.
mujhe dhoop na lag jaye isliye apni aanchal me chupaya tune.

teri unglee pakadkar jab maine chalna sikha.
meri maa teri aankhon se maine ye duniya dekha.

jane aisa kya tha jo mujhe kahin chain nahi aata tha.
tere godh me aate hi mano sab kuch badal jata tha.

waqt beetta chala gaya, meri kitabe moti hoti chale gayee.
meri cycle meri byke me badal gayee. sab kuch badla, zamana badla magar mere liye meri maa ka pyar nahi badla.

wo aaj bhi chaukhat pe baithke mere aane ka intezar karti hai.
main agar bimaar padta hoon, to mere saamne nahi magar wo aaj bhi roti hai.

uske rone se main sochta hoon ke agar uske jite ji main mar gaya to uska kya hoga.

ek janaza niklega mera mere ghar se aur doosra jo ghar me rahega wo meri maa ka hoga.

kyon ke mere jaane ke baad wo jite ji mar jayegi.
aur mere saath hi uski sari khushiyan gham me badal jayegi.

aye upar wale kehne me ghalat hai magar mere alfazo me mat jana.
meri dil ki gehrayee ko samajhte hue tu mere marne se 1 din pehle meri maa ko is duniya se uthana.

kyon ke mere saamne usey jata hua main dekh sakta hoon, magar apne saamne mujhe jata hua wo dekh nahi payegi.

yahi hai meri kahani, jo meri maa se shuru aur meri maa ke baad khatm ho jayegi.

abdul gaffar

Submitted: March 16, 2016

A A A | A A A

Submitted: March 16, 2016

A A A

A A A



© Copyright 2020 Abdul Gaffar. All rights reserved.

  • Facebook
  • Twitter
  • Reddit
  • Pinterest
  • Invite

Add Your Comments: