Gladstone Lush, was ah man who drink all de while-
From day break him noh sober, don’t ask mi why.
Mout’ ah massy Pauline, tell people seh,
From him first love lef him, ah soh him stay.
Ah man of intelligence, him have a degree,
Weh him get fe Sociology….
But, nowadays, him greatest subject is alcohol,
An kyan drink anybody under de table.
Him ah stagger down de road one afternoon, sun hot,
An him fren Jeff, call out tu him..
But tru him drunk, him nevva answer,
An Jeff goh pass ah remark bout how him ah drunkard,
An ah diam disgrace, when him tan soh.
Who tell him fe seh soh!!
Gladstone let rip pon him, an ask him seh,
if him ever beg him anyting!!
‘Unu tink seh tru mi drunk, ah fool mi fool!’
‘Well drunk man noh tell noh tales-
Soh listen me good’.
‘Mi nah beg yu noh money fe buy noh drink,
Ah people like yu noh ha nottton fe du.’
‘De time you tek fe ah worry bout’ wedder mi drunk or sober yu si;’
‘Yu want fe goh roun’ ah Mas’ Graham yard,
and YU WI FINE YU WIFE ROSIE!’
‘Ah long time, she ah gi HIM weh she NAH GI YU!!’
‘Soh, SI IT DEH!!!
Now yu have someting fe goh du!!
© Copyright 2017 Luvving. All rights reserved.
Paste the link to picture in the entry below:
Paste the link to Youtube video in the following entry:
Cannot annotate a non-flat selection. Make sure your selection starts and ends within the same node.
An annotation cannot contain another annotation.
There was an error uploading your file.