An Untold Saga-2 (Hindi)

Reads: 673  | Likes: 0  | Shelves: 0  | Comments: 0

More Details
Status: Finished  |  Genre: Other  |  House: Booksie Classic
second and final part of my second story..
an untold saga-2
story is in only for those who know Hindi..
because story is in hinglish style..

all of my friends read the first part and requested me to write the second part so i am publishing this....

thanks...

Submitted: February 13, 2014

A A A | A A A

Submitted: February 13, 2014

A A A

A A A


 Part-2

 

(Stress,tanaav,pareshani aur aisi kai aur cheeje sab kisi insaan par cha jati hai to uska dimaag kam karna band kar deta hai, use zindegi ek bojh lagne lagti hai aur wo insaan bina soche samjhe kuch aise kadam utha lete hai jiska asar kisi aur ki zindegi par padta hai.. )

Aanchal ek intelligent ladki thi, uske ghar me uski mom, dad, bada bhai jo engineer tha aur Bangalore me job karta tha aur pyari si aanchal thi, uske bhai ne 5 months pehle hi b.tech complete ki thi and tabhi unka ache package par placement ho gaya tha to wo Bangalore chale gaye the.

Ab uske ghar me wo uski mom and dad hi rehte the. Uske dad uski studies ko lekar kafi serious the ye bat mujhe usne batai thi, actually uske papa apne dono baccho ki study ke liye strict the.

Wo chahte the ki unke do bacche hai to dono hi acchi jagah par lage aur samaaj(society) me apna naam banaye.. unka aisa chahna laazmi tha kyunki har maa-baap apne baccho ke liye aisa hi chahte hai.

Unke bête ne to ye kam kar dikhaya tha ab baari thi unki beti ki.

Unhe bahut ummed thi aanchal se…..

Kal uske pre-board exams ka result aane wala tha

Main use uske ghar ke thoda piche chodke nikal gaya. Jab wo meri activa se utari to wo upset si thi..

Wo bura sa bye bolkar apne ghar ki taraf chal di.

Maine bhi apni active ghumai aur ghar aagaya..

Main bahut khush tha because kal main use apne dil ki bat bolne wala tha ..

 

Sham ho gayi thi, main kaafi khus tha kyunki kal meri zindegi ka ek bahut hi important din tha. Mujhe khush dekh kar meri mom bhi soch me pad gayi

“ tujhe hua kya hai, aaj bada khush hai’ ye meri mom ne pucha

“Kch nahi bas yuhi”

Mom- beta kuch to bat jarur hai. Ab tu nahi batana chahta to koi bat nahi.

Me- aisa kuch nahi hai mom, bas aise hi ..

Aur main ye keh kar apne room me chala gaya…aur room me jakar kal ke bare me sochne laga., ki main aanchal se apne dil ki bat kaise kahuga

Us din main bahut khush bhi tha and tension bhi bahut thi

Dono feelings ka mix up ho gaya tha.

 

Meanwhile ….

Aanchal apni mom ke sath beth kar tv dekh rahi hoti hai, sham ke 7 baj rahe hote hai. Aanchal ki mom housewife hoti hai and dad ka machinery ka business hota hai.

Wo dono tv dekh rahi hoti hai

Aanchal thodi udaas si hoti hai to uski mom use dekh kar kehti haii- are beti tujhe kya hua hai? Kyu muh latkaya hai ?

Aanchal- nhi mummy, kuch nahi.

Aanchal ki mom- kal result hai isi wajah se pareshan hai kya? Ab beti tune jaisi padhai ki hogi waise hi marks ayege na.

Aanchal- mummy, maine padhai to acchi hi ki thi ..ab kal pata nahi kya hoga.

Uski mom- beta tere dad ko tujhse bahut ummed hai.. agar acche se padhai ki hai tune to tere marks bhi acche aayege..

Tabhi ghar ke door ka call bell bajti hai. To uski mom darbaja kholti hai aanchal ke dad andar aate hai..

Aanchal kitchen me jakar apne dad ke liye paani lane ke liye chali jati hai…

 

 

 

Us sham ko maine khoob sare romantic songs sune and kal jo hone wala tha use kaafi bar imagine kia..

Maine socha kal hum sham ko coaching ke bad milege .. wo mujhe apne result ke bare me batayegi and fir main usse treat manguga ..fir hum café me jayege and baat karte karte main usse keh dunga I love you..

Wo kahegi- kya….

Main kahuga – han aanchal I love you.. J

Bas mujhe ye nahi pata tha ki mera itna kehne k bad uska kya reaction hoga.. halanki wo mujhe pehle hi bol chuki thi hum sirf friends hai.

Mujhe to bas use ye batana tha ki main use bahut pyaar karta hu..

Wo kare yaa naa kare..

Main karta tha

Karta hu

Karta rahuga…

 

 

Bas ye hi sochta raha main tabhimummy ne mere room me aakar kaha- aaj gaano se hi pet bhar lega ya dinner bhi karega..

Fir main dinner karne chala gaya.. ……

 

Raat ke 9 baj rahe the .

Aanchal ke ghar sabne dinner karlia tha.

Dad apne kamre me the aur aanchal and uski mom dusre kamre me beth kar diya aur baati hum dekh rahi thi…

Tabhi uske dad ne aanchal ko aawaj di and aanchal unke kamre me aai..

Aanchal ko papa ne apne pas bethne ko kaha.

Aanchal bethi and fir uske dad usse bat karne lage..

Unhone kaha- beta kal tumhara result hai and main janta hu meri bacchi bahut hosiyaar hai. Aur mujhe poori ummed hai tum pre boards me apni class me first aaogi..

Aanchal- papa maine padhai to aache se kit hi.

Uske dad- abhi to tumhe aur karni hai, main chahta hu meri beti boards me apne school ki top student bane. Tumhare bhaiya ne humara naam kitna roshan kia hai. Aaj wo banglore me hai and beta main chahta hu meri beti bhi apne bhaiya ki tarah apne papa ka naam roshan kare.

Aanchal- papa main apni poori kosish kar rahi hu.

Uske dad- sirf kosish nhi beta. Tumhe karna hoga. Mujhe apne dono baccho se bahut ummed hai.. humare parivaar me sabse kaabil aur hosiyaar bacche mere hai. Yani tum aur tumhare bhaiya hai..so beta tumhe meri ijjat ke liye 95+ score to karna hoga.. beta khoob padh. Abhi bhi 2 months hai… jee jaan laga de,,jis ki jarurat ho wo le tu bas padh khoob padh

Chal ab tu so .. kal tera result bhi hai and mujhe poora yakeen hai tu kal jaroor sbse ache marks layegi and tere papa ka sar ucha karegi apni parivaar and samaaj me.. all the best beta kal ke liye..

Aanchal uske dad ki baatein sunkar kaafi pareshaan ho gayi thi aur papa ko good night bolkar apne room me chali gayi………..

 

Waise main bahut hi kam bhagwan se kuch mangta hu but us raat maine bhagwan se pray ki aanchal ke liye and uske result ke liye and fir main let gaya and aanchal ke bare me sochte sochte mujhe kab neend aagayi pata hi nahi chala……..

 

 

Next Morning……

Main utha, fresh vagera hua..

8 baje par breakfast karne ke baad maine aanchal ko message kia…

Message, ‘heya good morning… wish you best of luck for your result, I know tere acche marks aayege.. and han aaj coaching jaldi ajaiyo mujhe kch kaam hai.. Okay.. And may god bless you…

10 minutes baad uska reply aaya.- ‘thanks yr… and yr main bahut lucky hu ki mujhe tumhare jaisa friend mila hai.. hmm main aajaugi coaching jaldi but kya kaam hai ye to batao’

My message, ‘aanchal wo tere liye surprise hai ek.. coaching par hi batauga..’

Her message, ‘hmm okay..chalo abhi school jana hai bye..’

Hmm okay bye and good luck once again. I replied …

 

Poori dophar school me meri aisi hi nikal gayi, jaise jaise coaching ka time aata jar aha tha meri fat ti ja rahi thi.. yun to main roj usko face karta tha but aaj main kaafi nervous tha….

Mujhe pata bhi nahi tha ki uska result kaisa aaya hoga. Main use puch bhi nhi skta tha kyuki wo school me thi and phone uska ghar par tha..

Bas ab to coaching ke time ka intejaar tha…

Humari coaching 4 baje ki thi..

And meri chutti 2 baje hoti thi and uski 1 baje…

Result wale din bhi uske 4 periods lagne the and last me result dikhana tha..

2 baje meri chutti hui aur main activa lekar sidhe ghar bhaaga kyunki ek ghante baad mujhe aanchal se milna tha..

Ghar aakr sbse pehle maine aanchal ko message kia and uske result ke bare me pucha..and phone rakh kar main change krne chala gaya…..

Main 20 minutes me change krke and hath muh dho kar aaya and aate hi phone check kia but usme aanchal ka koi b message nhi aaya tha.. mujhe laga shayad apni friends k sath celebrate kar rahi hogi..

Well maine use ek aur message kia ki aanchal 3:00 baje tumhara coffee shop par wait kruga bye and take care..

Maine ghadi dekhi to 2:46 PM ho rahe the main ready hua and mom ko bola mom main apne dost ke yaha jaa raha hu and wahi se coaching chala jauga aur activa lekar chal diya ..

Beech me shop se ek dairy milk silk li and flower shop se roses liye.. and coffee shop par aakar aanchal ka wait karne laga..maine ghadi me dekha to 3:10 ho raha tha and phone dekha to aanchal ka fir se koi reply nahi tha ab mujhe chinta hui.. maine use ek aur message kia.’ Aanchal tu thik hai na?’

Maine ek black t-shirt and ek blue jeans pehen rakhi thi and mere kandhe par coaching ka beg tha ..

2 minutes bad mera phone vibrate hua and maine dekha us par likha tha aanchal calling..

Maine haal hi phone uthaya..

Aur kaha aanchal kaha hai tu?

Udhar se uski kisi friend ne rote huye kaha- aanchal…..

Maine kaha- aanchal kya hua aanchal ko? Kaha hai wo?

Usne rote huye kaha- apolo hospital aur phone kaat diya..

Mere to pairo tale zameen khisak gayi..

Main fauran apolo hospital pahucha …

Activa ke aage wali basket me roses rakhe the jo maine aanchal ke liye kharide the and meri jeans ki pocket me silk rakhi thi..

Main bhaagta hua hospital me andar gaya and reception par se pata kia to bataya ki aanchal upar ICU me hai..

Main daudta hua seediyo se third floor par gaya. Waha samne hi ICU tha…

Bahar benches par uske dad and mom and uski best friend ritu (jisne phone kia tha mujhe) wo bethe the.. ritu ke hath me ek paper bhi tha

Sab ro rahe the. Ritu ne mujhe dekh lia tha..

Main ICU ki taraf badha and waha ek khidki bhi thi jisse ICU k andar ka dikhta tha..

Maine dekha ki aanchal ke oxygen marks laga hua tha and doctors ki team use ghere huye thi use electric shock diye ja rahe the..

Jo maine dekha wo aisa dard tha mere liye jise shabdo me bayaan nahi kar sakta main..

Aanchal shock se uthti and fir let jati..

Kareeb 10-12 baar aisa hua fir wo uthi nhi … uski aankhen khui reh gyi..

Doctors ne fir shock dia par uski body me koi movement nhi hui..

Doctor bahar aaye and unhone uske dad se kaha ki ‘I am sorry, she is no more…

Ye sunte hi sab rone lage…

Meri zindegi si khatam ho gayi..

Mere saamne hi aanchal khatam ho gayi … aankhon ke saamne

Main ritu ki taraf gaya and uske hath se wo paper lia and hospital ke bahar aaya rote huye..

Us paper me likha tha-

‘Dad main apki pyaari beti hu and main nahi chahti ki aap meri wajah se pareshan ho, dad maine bahut mehnat ki thi ki main apka sapna poora karu and top karu but dad mere pre boards me 92 percent hi aaye and aap chahte the ki 95 se above aaye..

Dad I am so sorry but mujhe nahi lagta ki main boards me apka sapna poora kar paugi.. and main nahi chahti ki meri wajah se aapko society me insult hona pade..

dad main jaa rahi hu hamesha ke liye

dad,mom and bhaiya I love you..

Bye forever….’

 

Ye padhkar maine apni activa me rakhe roses ko dekha.. aashu band hi nahi ho rahe the aankh se…..

Uske dad ko uske upar itna pressure nahi dalna chahiye tha.. bacchi thi wo….

Meri baat  jo main usse kehna chahta tha…

Adhoori hi reh gayi……………….

 

 

AN UNTOLD SAGA

 

 

THE END

 

 

 

 

 

 

 

 

 

 

 


© Copyright 2017 Suyashdewa. All rights reserved.