Meri Chah

Reads: 1313  | Likes: 0  | Shelves: 0  | Comments: 2

More Details
Status: Finished  |  Genre: Poetry  |  House: Booksie Classic
A person's desire for natural beauty...

Submitted: November 20, 2011

A A A | A A A

Submitted: November 20, 2011

A A A

A A A


 

Mujhe un pahadon ko dekhna hai,
Jinhe main kabhi chhod aaya tha.
Mujhe nadiyon ki woh khalbalahat sunni hai,
Joh kabhi mere kaanon mein goonjti thi.
Mujhe barsaat ki woh boondein mehsoos karni hai,
Jinme main kabhi bheega tha.
 
Mujhe us jungle me kuch din bitane hain,
Jahan prakriti kayi roop me nirjhavar hai.
Mujhe us shudh vaatavarand me saans leni hai,
Jahan meri aatma pavitra ho jaati thi.
Mujhe veh haryali dekhni hai,
Jiske aage baaki saare rang feeke hain.
 
Mujhe un pakshiyon ki chehchahat sunni hai,
Jinhone mere mann me umangon ke pankh lagaye they.
Mujhe veh neela aakaash dekhna hai,
Joh samudra se jyada gehra hai.
Mujhe taaron ki woh jagmagahat dekhni hai,
Joh chandrama ki roshni ko feeka kar de.
 
Mujhe un jharnon me nahana hai,
Joh paani ke saath khoobsurti bikherte hain.
Mujhe us baraf pe chalna hai,
Joh swarg ke baadal ke samaan hai.
Mujhe un ghaas ke maidonon me sona hai 
Joh mamta ke aanchal jaise naram hain.
 
Mujhe un vichitra jaanvaron ko khelte dekhna hai,
Jisse mujhe manushya hone par garv na ho.
Mujhe patton ki veh sansanahat sunni hai,
Jisse shaanti ka asli arth spasht ho.
Mujhe jeena hai azaadi se prakriti ke beech,
Jisse main swarg ki rachna dharti par kar sakun...


© Copyright 2017 Visionary Sandy. All rights reserved.

Add Your Comments:

Comments

avatar

Author
Reply

avatar

Author
Reply